Lajme
Alpinistja që mbron gratë e dhunuara në luftë
Alpinistja Merita Gashi do të vendosë në maje të Kilimanxharos flamurin e Kosovës, dhuratë nga presidentja Jahjaga, duke kërkuar “drejtësi për gratë e dhunuara në luftë”
Gjashtë gra kosovare dhe dy nga Norvegjia do të jenë pjesë e grupit alpin “Prishtina” të cilët do ta sfidojnë vetën në malin Kilimanxharo të Afrikës. Përveç pushtimit të kësaj maje, alpinistja Merita Gashi ka edhe një përgjegjës tjetër, që përmes kësaj sfide të kërkojë drejtësi për viktimat e përdhunimeve gjatë luftës në Kosovë.
Alpinistja dhe aktivistja Gashi, ka takuar presidenten e Kosovës, Atiefet Jahjaga, nga e cila mori mbështetje për ekspeditën në Afrikë. Presidentja ia dorëzoi Gashit një flamur të Kosovës, si shenjë nderimi e respekti për ta vendosur në majën më të lartë të Afrikës, që është e katërta për nga lartësia në botë.
“Me kënaqësi ia dorëzova flamurin e Republikës së Kosovës alpinistes Merita Gashi, e cila ekspeditën e saj në Kilimanxharo do t’ia dedikojë të mbijetuarve të dhunës seksuale gjatë luftës në Kosovë, si thirrje për sensibilizim shoqëror dhe institucional për vënien e drejtësisë dhe dënimin e këtij krimi lufte”, shkuan Jahjaga në rrjetin social facebook.
Alpinistja dhe aktivistja e të drejtave të njeriut, Merita Gashi tha për Albinfo.Ch, se këtë ekspeditë në Kilimanxharo do t’ia dedikojë të mbijetuarve të dhunës seksuale gjatë luftës në Kosovë, si thirrje për sensibilizim shoqëror dhe institucional për vënien e drejtësisë dhe dënimin e këtij krimi lufte.
“Dhunimi është krim dhe ai duhet dënuar. Siç e dimë, në Kosovë është bërë shumë pak për viktimat seksuale gjatë luftës. Mesazhi im është të dënohen kriminelët që kanë bërë të tilla krime, gjë që do të thotë se duhet vendosur drejtësi për ato viktima, prandaj është edhe mesazh për sensibilizimin e shoqërisë kosovare për t’i pranuar këto viktima në shoqërinë tonë”, deklaroi Gashi për Albinfo.Ch.
Shoqëria kosovare, sipas Gashit, ka bërë pak për këto gra, prandaj ajo kërkon vetëdijesim nacional, që dhe këto gra, që kanë qenë viktima të dhunës, të trajtohen barabartë në shoqëri. Merita po ashtu e konsideron të suksesshme iniciativën e presidentes Jahjaga, që ka themeluar Këshillin Kombëtar për të Mbijetuarat e Dhunës Seksuale gjatë Luftës, me të cilin sipas saj, ka thyer tabutë.
Ndryshe ekspedita organizohet nga klubi alpin “Prishtina”, me 20 pjesëmarrës nga Kosova. Ekspedita, do të fillojë me 1 mars dhe do të zgjatë deri më 14 mars, ndërsa sipas Gashit, për herë të parë janë disa femra kosovare që pushtojnë Kilimanxharon.
Në flamurin që ia dorëzoi presidentja e Kosovës, shkruhet “Duam drejtësi”. Këtë flamur, alpinistja do ta shpalosë me të mbërritur në majë të Kilimanxharos.
E-Diaspora
-
Humb jetën tragjikisht 22-vjeçari shqiptar në këtë shtet Një 22-vjeçar shqiptar ka humbur jetën në mënyrë tragjike në Greqi, përcjell albinfo.ch. Mediat greke bëjnë...
-
Kandidati për eurodeputet me origjinë shqiptare, Muharrem Salihu, merr mbështetje në Itali
-
Vildane Rexhepi, menaxhere prokurimi në IT-në e bankës UBS
-
Muhamed Mustafi, ylli shqiptar në St. Gallen
-
Shqipëria, pjesë e paradës së karnavaleve në Berlin
Jeta në Austri
-
Si po e ndryshon motin në Austri ngrohja globale? Ngjarjet ekstreme të motit kanë shënuar pothuajse çdo muaj të vitit 2023 në Austri. Ekspertët thonë...
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?
-
A mund të blejnë të huajt prona në Austri?