“Liria Ka Emër” njofton për protesta në katër qytete të Gjermanisë më 26 shtator

Tubimet janë paralajmëruar në Hamburg, Frankfurt, Hannover dhe Düsseldorf, nën moton “Jo në emrin tim”.

Platforma qytetare “Liria Ka Emër” u ka bërë thirrje bashkatdhetarëve për pjesëmarrje në protestat e paralajmëruara më 26 shtator në disa qytete të Gjermanisë, transmeton albinfo.ch.

Sipas orarit të publikuar nga platforma, tubimet do të zhvillohen të shtunën në Hamburg, Frankfurt, Hannover dhe Düsseldorf, nën moton “Jo në emrin tim”.

Protestat janë paralajmëruar në kuadër të tubimeve të diasporës shqiptare pas vendimit të Gjykatës Speciale ndaj ish-krerëve të Ushtrisë Çlirimtare të Kosovës./Albinfo.ch

---