Qyteti i Cyrihut do të freskojë klasat e nxehura nga vapa

Temperaturat në të paktën 20 për qind të klasave më të prekura do të përmirësohen deri në verën e ardhshme

Drejtori i ri i shkollave ose i drejtorisë së arsimit të qytetit të Cyrihut, Balthasar Glättli, dëshiron të zbusë nxehtësinë në klasat e shkollave të këtij qyteti veçanërisht të nxehta pas valës së nxehtësisë së verës 2026.

Temperaturat në të paktën 20 për qind të klasave më të prekura do të përmirësohen deri në verën e ardhshme, shkruan srf.ch. Fokusi do të jetë në hijezim, ftohje të optimizuar dhe përshtatje në teknologjinë e ndërtimit.

Kur masat e realizueshme dhe të tjera janë të pamjaftueshme, do të instalohen edhe sisteme të ajrit të kondicionuar. Hapi i parë do të jetë identifikimi i dhomave më të prekura të mësimit.

Glättli ka qenë në detyrë për 120 ditë. Përveç mbrojtjes nga nxehtësia, ai dëshiron të përqendrohet edhe në mundësitë e barabarta dhe arsimin dixhital.

---