3 raste të dyshuara në Kosovë

Edhe në Kosovë janë tri raste të dyshuara me virusin korona

Në Klinikën Infektive në QKUK në Prishtinë, sot janë paraqitur tri raste të dyshuara për koronavirus.

Një shtetas jo-kosovar, 69 vjeç i cili ka qëndruar në Itali dhe dy shtetas të tjerë kosovarë, 25 vjeç dhe 23 vjeç, të cilët kanë ardhur sot nga Italia.

“Janë marrë mostrat për analizë dhe janë dërguar në Institutin Kombëtar të Shëndetësisë Publike për verifikim”, thuhet në njoftim.

Tutje, “Klinika Infektive njofton se nuk ka nevojë për panik dhe shqetësim, meqë janë vetëm raste të dyshuara”, përcjell albinfo.ch.

Kujtojmë se dy rastet e fundit të raportuara me koronavirus në Kosovë, rezultuan negativ.

Derisa, në përgjithësi numri i të vdekurve prej koronavirusit të ri Covid-19, ka shkuar mbi 2,600.

---