Lajme
Kreu i besimtarëve myslimanë shqiptarë mban fjalim në Kishën Evangjeliste
"Të krishterët dhe muslimanët besojnë në të njëjtin Zot: Zotin e Abrahamit dhe Isakut. Është mirë që mund të festojmë së bashku këtu dhe tani. Sepse ne jemi në rrugën tonë së bashku si besimtarë në rrugë të ndryshme, por drejt të njëjtit Zot"
Kultivimi i bashkëjetesës mes komuniteteve fetare në Zvicër është një traditë e bukur që ushqehet çdo ditë, edhe me veprime konkrete.
Në këtë kuadër, të dielën, më 6 nëntor, imami, hfz. Mehas Alija, kryetar i Komunitetit Musliman Shqiptar të Zvicrës ka mbajtur një fjalë përshëndetëse në kishën fqinje evangjelsite (reformiste) në Winkeln (SG), shkruan albinfo.ch. Ai me këtë rast ka përshëndetur priftin evangjelist, Marcus Schattan, prift i cili ishte i angazhuar deri më tani në këtë kishë.
“Me Marcusin u përshëndetëm pasi tash ai kalon në një qytet tjetër, për të shërbyer në institucione të tjera. Në këtë ceremoni fetare lamturmirëse mori pjesë, pos imamit, edhe kryetari i xhamisë, Sadush Ajrullai. Vëllezërisht në paqe, të ndryshëm por të bashkuar!”, shprehet imami në një postim në rrjetet sociale.
Me këtë rast, hfz. Mehas Alija i ka dhuruar një dhuratë simbolike priftit Marcus Schatan
Në fjalëne tij, ai veç tjerash ka thënë: “Komuniteti i besimtarëve është më i madh se vetëm komuniteti i të krishterëve të reformuar dhe katolikë: ne jemi në rrugën tonë së bashku si myslimanë dhe të krishterë. Ne jemi jashtë dhe rreth së bashku këtu në qarkun Winkeln dhe kudo tjetër në shoqërinë zvicerane. Të krishterët dhe muslimanët besojnë në të njëjtin Zot: Zotin e Abrahamit dhe Isakut. Është mirë që mund të festojmë së bashku këtu dhe tani. Sepse ne jemi në rrugën tonë së bashku si besimtarë në rrugë të ndryshme, por drejt të njëjtit Zot”.
I dashur Marcus
Në emër tim dhe të komunitetit tonë islam El-Hidaje, ju falënderoj shumë për mikpritjen dhe për bashkëpunimin e deritanishëm. Mirëpritja juaj ka qenë gjithmonë e mrekullueshme dhe kaq e ngrohtë!
Tradita hebraike-kristiane-islame në Evropë paraqet një vlerë të veçantë për të gjithë ne, prandaj duhet ta ruajmë dhe kultivojmë në frymën e paqes dhe të harmonisë.
I dashur Marcus, ju uroj gjithë të mirat, ju dhe familjes tuaj dhe komunitetit tuaj!
Më në fund, paqja e Zotit qoftë mbi të gjithë ne!
Mehas Alija
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
SHKA “Dardania” nga Winterthuri do të marrë pjesë në festivalin folklorik “Hasi Jehon”
-
Kevin Sekniqi, shqiptari i radhës i përfshirë në renditjen e prestigjiozes Forbes
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Austri
-
Austri: Dënohet me 15 vjet burg, kosovari që sulmoi të dashurën me thikë dhe kaçavidë Në tetorin e vitit të kaluar, një burrë 40-vjeçar nga Kosova u arrestua nën dyshimet se...
-
Lumir Abdixhiku para bashkatdhetarëve në Vjenë, kërkon mbështetje për Lukas Mandl
-
LDK-ja në Austri organizon takim në mbështetje të Lukas Mandl, merr pjesë edhe kryetari Lumir Abdixhiku
-
Pas ndalimit në Serbi linjat e autobuseve Austri – Kosovë vazhdojnë rrugëtimin pa pengesa
-
Lukas Mandl kërkon votën e shqiptarëve në Austri