Lajme
Gjermani: Bastisen mbështetës të dyshuar të IS-it, mes tyre edhe kosovarë
Dhjetë të dyshuar ishin në fokus të bastisjes. Dy gratë dhe tetë burrat midis moshës 20 dhe 51 vjeç janë shtetas gjermanë, afganë, kosovarë dhe turq
Në Hessen, policë të shumtë kanë bërë bastisje shtëpishë të mërkurën me dyshimin kundër donatorëve të pretenduar të veprimtarive terroriste nga Shteti Islamik.
Sipas hetuesve, sfondi i bastisjeve lidhej me pesë hetime paraprake për financimin e dyshuar të terrorizmit dhe përgatitjen e një akti të rëndë dhune, që rrezikon shtetin, shkruan dpa.de.
“Nuk kishte rrezik konkret të një sulmi”, ka thënë një zëdhënës i Zyrës së Policisë Kriminale të Shtetit.
Dhjetë të dyshuar ishin në fokus të bastisjes, transmeton albinfo.ch. Dy gratë dhe tetë burrat midis moshës 20 dhe 51 vjeç janë shtetas gjermanë, afganë, kosovarë dhe turq.
Nuk pati asnjë arrestim gjatë aksionit që u zhvillua në mëngjes, ku ishin aktivizuar mbi 100 policë. “Ne nuk kemi pasur ndonjë urdhër arresti”, është shprehur një zëdhënëse e prokurorit publik të Frankfurtit për Agjencinë Gjermane të shtypit.
Gjatë hetimit paraprak, katër raste kishin të bënin me dyshimin se IS po financohej me donacione. Në një rast kishte një dyshim për përgatitjen e një akti dhune, përcjell albinfo.ch. Gjatë aksionit janë sekuestruar bartës të dhënash (cd), para dhe gjësende tjera.
Gjatë bastisjes janë zbatuar dy urdhra kërkimi nga zyra e prokurorit federal kundër tre mbështetësve të dyshuar të IS.
Banesat janë kontrolluar në Darmstadt dhe Kassel, ndërsa në një rast gjithashtu edhe në Zvicër sepse një nga të dyshuarit kishte udhëtuar atje.
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Avokati kërkon lirimin e menjëhershëm të shqiptarit të akuzuar për vrasje të dyfishtë
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
Jeta në Austri
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë Lëvizja në një vend të ri mund të jetë sfiduese, por stresi i gjetjes së kujdesit...
-
A mund të marr përfitime papunësie në Austri nëse jam i vetëpunësuar?
-
Bora zbardh Austrinë
-
Austri: Dënohet me 15 vjet burg, kosovari që sulmoi të dashurën me thikë dhe kaçavidë
-
Lumir Abdixhiku para bashkatdhetarëve në Vjenë, kërkon mbështetje për Lukas Mandl