Emigranti hero fillon punën si zjarrfikës në Francë

Ai mori nënshtetësinë dhe tani ka filluar edhe punën

Një emigrant nga Mali u kthye në hero më 28 maj në Francë, pasi ngjiti pa asnjë lloj mbrojtjeje katër kate të një ndërtese të Parisit për të shpëtuar një fëmijë që ishte duke rënë nga ballkoni.

Mamoudou Gassama u prit në atë kohë nga presidenti i Francës, Macron në Pallatin “Elize”, ku e falënderoi personalisht.

Prej gjestit të tij spontan, emigranti mori nënshtetësinë franceze, por edhe një punë, përcjell albinfo.ch.

Ditën e sotme 22-vjeçari ka pasur ditën e tij të parë të punës në repartin e zjarrfikësve të Parisit, shkruan “TCH”.

Reparti i zjarrfikësve njoftoi se 24 persona të rinj janë bërë pjesë e tyre dhe mes të cilëve është edhe emigranti nga Mali, i njohur tashmë si “Spiderman”.