Britania i bën thirrje Serbisë: Autorët e sulmit në Banjskë të dalin para drejtësisë

Në trevjetorin e sulmit ku u vra polici Afrim Bunjaku, Ambasada britanike kërkon që përgjegjësit, përfshirë Milan Radoiçiqin, të mbahen përgjegjës.

Ambasada e Britanisë së Madhe në Kosovë i ka bërë thirrje Serbisë që autorët e sulmit të armatosur në Banjskë të përballen me drejtësinë, duke theksuar se llogaridhënia mbetet thelbësore, raporton albinfo.ch. Qëndrime të ngjashme Britania e Madhe i ka përsëritur edhe në deklarata zyrtare gjatë vitit 2026, duke kërkuar nga Serbia që të sjellë para drejtësisë përgjegjësit e sulmit, përfshirë Milan Radoiçiqin, përcjell albinfo.ch.

Në një postim Kurti kujton Afrim Bunjakun: Të gjithë kriminelët e Banjskës do të përgjigjen para drejtësisë

të publikuar në Facebook, Ambasada britanike ka kujtuar policin e Kosovës, Afrim Bunjaku, i cili u vra më 24 shtator 2023 gjatë sulmit në Banjskë.

“Tre vjet pas sulmit tragjik në Banjskë, kujtojmë zyrtarin e Policisë së Kosovës, Afrim Bunjakun, i cili humbi jetën në shërbim të vendit të tij”, thuhet në reagimin e Ambasadës.

Ambasada ka vlerësuar gjithashtu guximin dhe profesionalizmin e Policisë së Kosovës në reagimin ndaj sulmit dhe në rikthimin e sigurisë, si dhe ka përmendur përpjekjet e prokurorëve të Kosovës për vendosjen e drejtësisë.

“Llogaridhënia mbetet thelbësore. Përgjegjësit, përfshirë Milan Radoiçiçin, ende nuk janë përballur me drejtësinë. I bëjmë sërish thirrje autoriteteve serbe që të ndërmarrin hapat e nevojshëm për të siguruar që autorët të mbajnë përgjegjësi, pa vonesa të mëtejshme”, ka deklaruar Ambasada britanike.

Më 24 shtator 2023, një grup i armatosur sulmoi Policinë e Kosovës në fshatin Banjskë të Zveçanit, ku u vra polici Afrim Bunjaku. Përgjegjësinë për organizimin e sulmit e ka pranuar Milan Radoiçiq, ndërsa autoritetet e Kosovës kanë ngritur aktakuzë ndaj tij dhe dhjetëra personave të tjerë.

Tre persona janë dënuar nga Gjykata Themelore në Prishtinë për rastin, ndërsa Radoiçiq dhe pjesa tjetër e të akuzuarve që ndodhen jashtë Kosovës vazhdojnë të jenë në Serbi. Britania e Madhe ka kërkuar vazhdimisht që Serbia të bashkëpunojë për sjelljen e përgjegjësve para drejtësisë. /Albinfo.ch

---