Restoranti shqiptar, 200 racione falas për ata që punojnë përkundër koronavirusit

Restorant “Da Buki”, i cili drejtohet nga Gani Elezaj dhe vëllezërit Avdi, Besfort dhe Burim Elezaj, ka befasuar të gjithë kur kanë parë që në këtë kohë krize kanë shprehur gatishmërinë për të shpërndarë afro 200 ushqime falas

Në këtë kohë të krizës shëndetësore të shkaktuar nga koronavirusi, me të cilin është duke u përballur edhe Austria, restoranti “Da Buki” nga Neutal ka marrë një aksion humanitar. Pronarët e këtij restoranti kanë shpërndarë afro 200 ushqime falas për të gjithë “heronjtë” e ditëve të sotme, të cilët përkundër rrezikut nga virusi, çdo ditë dalin në punën e tyre, shkruan BVZ.at, përcjell albinfo.ch.

Biznesi familjar, restorant “Da Buki”, i cili drejtohet nga Gani Elezaj dhe vëllezërit Avdi, Besfort dhe Burim Elezaj, ka befasuar të gjithë kur kanë parë që në këtë kohë krize kanë shprehur gatishmërinë për të shpërndarë afro 200 ushqime falas.

“Ishte një aksion solidarizimi se çfarë mundemi ne si biznes familjar të bëjmë për këta “heronj” të ditëve të sotme. E menduam bashkë me familjen dhe vendosëm të shpërndajmë ushqime për të gjithë ata punëtorë, të cilët edhe në këtë kohë krize dalin të punojnë dhe të shërbejnë qytetarët e këtij vendi”, tha për “albinfo.ch”, Burim Elezaj.

Ushqimet janë dërguar në filialet e supermarketëve “Billa”, “Hofer”, “Euro spar”, “Penny” dhe “Lidl”  në Stoob-Süd, Oberpullendorf  Weppersdorf si dhe në stacionin e Policisë dhe në “Kryqin e Kuq” në Neutal.

“Ne do të mundohemi që edhe gjatë ditëve të ardhshme të marrim iniciative të tillë që të japim sado pak kontributin tonë në këtë krizë shëndetësore për të gjithë”, tha ai.

Vëllezërit Elezaj janë nga Strellci i Epërm i Deçanit, ndërsa prej vitesh merren me gastronomi në qytetin Neutal në Landin Burgenland.

LAJME INTERESANTE NGA INTERNETI