Fluks turizmi në Francë, qeveria me masa për shpërndarjen e turistëve

Është një nga perlat e turizmit francez. Plazhi Etretat dhe shkëmbinjtë e tij të famshëm tërheqin 10 mijë persona në ditë në pikun e sezonit, një fluks që përbën një kërcënim real për ambientin dhe madje ekzistencën e vetë shkëmbinjve, që mund të dëmtohen nga erozioni dhe ndotja.

“Ne kemi rreth 1.5 milionë vizitorë në vit. Nga këta, rreth 800 mijë janë udhëtarë ditorë, njerëz që vijnë për ta vizituar ditën dhe që nuk qëndrojnë natën. Ne duam ta ndryshojmë këtë dhe po bëjmë që njerëzit të vijnë edhe në dimër, në mënyrë që të shpërndahen”, thotë Shai Mallet, ambientaliste, transmeton euronews përcjell albinfo.ch.

Qeveria franceze ka prezantuar një plan për të kontrolluar turizmin e tepruar në zona historike si mali San Shishel dhe thesare të tjera kombëtare si ishulli i Berhatit, apo parku kombëtar Kalanke’.

Shteti francez po konsideron edhe marrjen e masave për të lehtësuar turizmin masiv në shkallë vendi. Një nga objektivat e tij është që “influencuesit” në rrjetet sociale të flasin edhe për pasojat dhe të inkurajojnë njerëzit të kërkojnë shtigje të tjera përveç atyre të zakonshme. Franca, thonë zyrtarët, është shumë më tepër se Parisi.

 

 

---