Shqiptarja nga Danimarka i bashkohet Kosovës

Leonora Demaj do t’i bashkohet ekipit të Kosovës që do të luajë në eliminatoret e Botërorit të ardhshëm, ku do të ndeshet me Zvicrën, Bjellorusinë dhe Turqinë

Hendbollistja e talentuar e skuadrës NFH të Danimarkës, Leonora Demaj edhe zyrtarisht u bë pjesë e Përfaqësueses së Kosovës, pasi plotësoi të gjitha bazat ligjore konform rregulloreve të IHF-it dhe EHF-it, shkruan albinfo.ch.

“Leonora ishte në zyrën e Federatës së Hendbollit të Kosovës dhe ishte e kënaqur me rrjedhat mbi kalimin e saj në radhët e Kombëtares, duke u shprehur e lumtur që ju plotësua një ëndërr jetësore, kurse tani është në proces të ndërrimit te klubit te ri, dhe ka udhëtuar menjëherë në Danimarkë për të nënshkruar kontratën”, thuhet në njoftimin e FHK-së.

Leonora do t’i bashkohet ekipit të Kosovës që do të luajë në eliminatoret e Botërorit të ardhshëm, ku do të ndeshet me Zvicrën, Bjellorusinë dhe Turqinë.