Lajme
Gjermani: Zbulohen 22 refugjatë në kamionin frigorifer
Sipas informacioneve të para, ata janë shtetas sirianë. Në mesin e 22 personave të kontrabanduar, gjashtë ishin të mitur
Pas hyrjes në Gjermani nga Republika Çeke, Policia Federale ka kontrolluar një kamion të dyshimtë në autostradën A17. Kur shoferi ka hapur derën e pasme, janë shfaqur plot 22 emigrantë, transmeton albinfo.ch. Ata kanë qenë të rrezikuar të pësojnë nga hipotermia, madje edhe në rrezik për vdekje.
Dy kontrabandistët e dyshuar janë arrestuar për momentin, tha policia federale në Berggiesshübel.
Kamioni kishte ardhur nga Republika Çeke aty pranë dhe po lëvizte në Autobahn 17, ku po kontrollonte policia federale, shkruan ntv.de. Kur shoferi ka hapur derën e pasme, njerëzit që po qëndronin në hapësirën e frigoriferit janë ndier të lehtësuar që ajri po kthehej në makinë, thonë policët. Në mesin e 22 personave të kontrabanduar, gjashtë ishin të mitur .
Sipas informacioneve të para, ata janë shtetas sirianë. Ata, pas kësaj kanë bërë kërkesë për azil në Gjermani dhe janë dërguar në një objekt pritës. Fëmijët dhe të rinjtë janë vendosur në urgjencën për fëmijë dhe të rinj.
Kamioni i vogël ishte i pajisur si një furgon frigorifer dhe i pajisur me mbyllje hermetike, thotë policia federale, përcjell albinfo.ch. Njerëzit ishin grumbulluar së bashku në hapësirën e ngarkimin, ku nuk kishte dritare.
Për dy kontrabandistët e dyshuar janë lëshuar urdhër-arreste, të cilët ndodhen në mbajtje.
E-Diaspora
-
Arbëreshët, kjo rrënjë e fortë e Atdheut! Një grup veprimtarësh nga disa shtete arritëm të bëhemi bashkë dhe nën “hijen e fjamurit të...
-
Shqiptari shpallet studenti më i mirë i policisë së Nju-Jorkut për 2024-ën
-
Osmani u drejtohet bizneseve amerikane në Teksas: Investoni në Kosovë
-
Hapet ekspozita e piktorit shqiptar në Helsinki
-
Xhaka-Gjimshiti, dy shqiptarët në garë për trofeun e Europa League
Jeta në Austri
-
Çfarë duhet të dini për supermarketet në Austri? Austria ka një përzgjedhje të gjerë të supermarketeve cilësore, por ka disa dallime kryesore rajonale për...
-
Çfarë lejohet të bëjnë fëmijët vetëm sipas ligjit austriak?
-
Si mund t’i zgjidhë Vjena “problemet e saj të imigracionit”?
-
Edhe Austria i kërkon Qeverisë së Kosovës draft-statutin në këmbim të anëtarësimit në KiE
-
Austria kualifikohet në finale të Eurovizionit