Shqiperia, në vendin e parë që duhet të vizitohet gjatë vitit 2011

Lonely Planet, udhërrëfyesi më i njohur në botë, vendosi Shipërinë të parën në listën e 10 vendeve që duhet vizituar në 2011

Njëri prej themeluesve të kësaj organizate qëndroi për pak kohë në Shqipëri, ku në Tiranë, ka bërë disa foto të Piramidës, të cilën e cilëson si një ndër simbolet e kryeqytetit shqiptar.

Të gjesh kënaqësi në Shqipëri nuk është një betejë e vështirë. Jo shumë kohë më parë, kur Ballkani konsiderohej një destinacion vetëm për njerëzit e guximshëm, vetëm për trimat mes trimave që mund të shkonin në Shqipëri, thotë Lonely Planet.

„Mahnitja nga plazhet, vendet arkeologjike, kuzhina shumë e mirë, jeta e natës, aventurat dhe mikpritja e banorëve, për të cilët udhëtarët janë ende diçka e re. Në luftë për të hequr etiketën e bosëve të krimit, Shqipëria ka bërë publike një dashuri të re Mesdhetare në tabelën e turizmit dhe kësisoj nuk do të jetë jashtë shtigjeve të rrahura“, përshkruan Shqipërinë, gazetari australian, Tony Wheele.

Pas Shqipërisë vjen Brazili i karnavaleve. Duke u zgjedhur si vendi organizator i Kupës së Botës në 2014 dhe Lojërave Olimpike verore të 2016 Brazili do të ketë një seri të rejash për tu admiruar.

“Cape Verde” renditet i treti, më pas Panamaja me ritmet e veta mes modernes dhe primitivizmit, një udhëkryq mes dy kontinentesh ku shekulli i XXI takon agimin e të gjitha epokave.

Lonely Planet sugjeron edhe Bullgarinë për ata që pëlqejnë plazhet e Detit të Zi. Më pas vjen “Vanuatu” për eksperiencat autentike, Italia si një përzierje argëtuese, e bukur dhe karizmatike ku nuk lihen pa përmendur edhe lajmet me protagonist kryeministrin italian, Silvio Berlusconi.

Më pas vjen Tanzania, vendi i mrekullive të mëdha. Siria, megjithëse e etiketuar si pjesë e aksit të së keqes i ofron pushim do turisti. Dhjetëshja e Lonely Planet mbyllet nga Japonia, vendlindja e sushit dhe e sakës.

Për më tepër informacion mbi këtë artikull mund të vizitoni: http://www.lonelyplanet.com/albania/travel-tips-and-articles/76164?affil=lpemail