Maqedonia
Kërkohet mbyllja e spitaleve modulare në Maqedoni
Pas tragjedisë që ndodhi në spitalin e Tetovës, ekspertët konsiderojnë se spitalet e përkohshme duhet të mbyllen
Derisa prokuroria heton më shumë aspekte për shkaqet e zjarrit në Tetovë, ekspertët e sigurisë sugjerojnë që shteti ndoshta duhet të mbyllë përkohësisht spitalet modulare.
Për ditë të tëra publiku nuk ka informacione as nëse këto departamente të KOVID është bërë mbikëqyrje. Profesori nga Fakulteti i Sigurisë në Shkup, Cane Mojanovski, beson se Qeveria duhet t’i sigurojë qytetarët se objektet janë të sigurta, përkundër të gjitha lëshimeve të mundshme, raporton Alsat, përcjell Albinfo.ch.
“Edhe këtu, autoritetet shtetërore duhet të jenë pa kompromis ndaj dispozitës: Nëse duhet të mbyllen – të mbyllen! Diçka më të mirë mos ka vallë, mos shkakton rrezik, sesa të keni diçka që do ta zvogëlojë sigurinë e qytetarëve ose mosbesimin në institucione. Në këtë mënyrë, e kemi rritur më tej mosbesimin ndaj institucioneve.”- deklaroi Cane Mojanovski, Fakulteti i Sigurisë – Shkup.
Ne gjithashtu presim ndihmë nga Gjermania për të përcaktuar shkakun e saktë të zjarrit. Megjithatë, nga Qeveria as sot nuk treguan saktësisht se kur më në fund do të vijnë ekspertët e mjekësisë ligjore.
“Ekipi gjerman i Shërbimit federal kriminalistik që duhet të arrijë këto ditë, fillimisht përbëhet nga katër persona. Dy teknikë të kriminalistikës, ekspertë për hulumtim të zjarreve dhe dy teknikë për matje laserike të hapësirave dhe fotografim”, pohoi Dushko Arsovski, zëdhënës i Qeverisë.
Prokuroria dje njoftoi se për ndërtimin e spitalit modular në Tetovë do të marrin dokumente nga klinika e atjeshme, por edhe nga kompania “Brako” e cila e montoi objektin. Do të shqyrtohet nëse ka pasur monitorim, pranim teknik, si është realizuar oksigjeni ndërsa kompania “Instituti ndërtimor-Maqedoni” duhet t’i kontrollojë materialet që janë instaluar. Paralelisht me hetimin për shkaqet për të cilat shpërtheu zjarri, Prokuroria e krimit të organizuar dhe korrupsionit hulumton furnizimin publik për montimin e spitaleve modulare në mbarë Maqedoninë, në vlerë prej 4 milionë eurove.
E-Diaspora
-
Më 7 prill nis edicioni i tretë i panairit të librit shqip në SHBA Në datën 7 prill 2024, Shoqata e Shkrimtarëve Shqiptaro-Amerikanë do të hapë edicionin e tretë...
-
‘Vallja kosovare’ jehon në Universitetin e Gjenevës (Video)
-
Iu gjet drogë në shtëpi, arrestohet shqiptari në këtë shtet
-
Në aeroportin e Bazelit anulohet fluturimi për në Prishtinë, mërgimtarët ankohen
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave
Jeta në Austri
-
Përmbledhje e lajmeve më të fundit nga Austria Ministria e Integrimit do të përcaktojë ‘kulturën austriake’, grevë në Austrian Airlines dhe më shumë lajme...
-
Anulohen fluturimet Vjenë-Shkup dhe anasjelltas
-
Ministrja austriake e Drejtësisë: Austria do ta mbështesë Kosovën për anëtarësim në Këshillin e Evropës
-
Austri: Priten deri në 400 anulime të fluturimeve për shkak të grevës
-
Sllovenia pret rritjen e numrit të sirianëve për në Austri e Gjermani