Lajme

Edhe EULEX-i në sigurimin e zgjedhjeve

E hënë, 6 Dhjetor 2010 - 7:17 albinfo.ch

EULEX do të jetë pjesë e planit operativ për sigurinë e zgjedhjeve të 12 dhjetori.

Siç njofton KTV, Komisioni Qendror Zgjedhor (KQZ) nëpërmjet një letre dërguar shtabit zgjedhor të LDK-së, e ka njoftuar Isa Mustafën për rolin e EULEX-it në këto zgjedhje. Në letër thuhet se EULEX-i do të bashkëpunojë në shumë fusha me KQZ-në.

Për sigurinë dhe mbarëvajtjen e këtyre zgjedhjeve do të angazhohen pjesëtarë të Policisë së Kosovës. Në pjesën veriore të Kosovës, në ditën e zgjedhjeve, do të dalin në terren një mijë policë. Ata do ta kenë mbështetjen e plotë edhe të pjesëtarëve të Policisë së EULEX-it dhe të ushtarëve të KFOR-it.

 Të tjera nga Lajme

Tirana bëhet kryeqendra e diasporës shqiptare, nis Samiti i 4-t me pjesëmarrje të gjerë

 E-Diaspora

 Jeta në Austri