Lunacek: vështirësohet pozicioni i Thaçit

Eurodeputetja Ulrike Lunacek në një intervistë dhënë radio Dukagjinit ka thënë se Dick Marti duhet që faktet të cilat i përmend ti’a dërgojë EULEX-it. Lunacek pranon se ky raport ka gjasa të ndikojë në imazhin e Kosovës. Lunacek ka bërë thirrje që ky raport mos të ketë ndikim tek procesi i liberalizimit të vizave.

“Do të ishte gabim nëse që në çfarëdo mënyre të ndëshkohej populli i Kosovës vetëm për dyshime të supozuara për veprime të politikanëve. Dhe po e potencoj që janë vetëm dyshime dhe të tilla do të mbesin derisa të mos vërtetohen” është shprehur Lunacek.

Ajo po ashtu ka bërë thirrje që të hetohet çdo keqpërdorim i mundshëm i votës gjatë zgjedhjeve të 12 dhjetorit. Lunacek është shprehur edhe rreth mundësisë që Thaçi të jetë sërish kryeministër. “Padyshim që situata është më e komplikuar thënë për të tani pas raportit. Por i mbetet atij të marrë vendim” ka pohuar Lunacek.