Dy skuadra kërkojnë Ajetin

Sipas mediave italiane, dy klubet e Serie A kanë shfaqur interes për lojtarin kuqezi, i cili është pjesë e skuadrës së Torinos

Arlind Ajeti mund të mos debutojë fare me Torinon. Ai iu bashkua skuadrës së njohur italiane, por nuk ka gjetur hapësirë, derisa në fillim ishte i lënduar, shkruan albinfo.ch.

Crotone sfidon Pescaran në garë për mbrojtësin shqiptar. Sipas mediave italiane, dy klubet e Serie A kanë shfaqur interes për lojtarin kuqezi, i cili është pjesë e skuadrës së Torinos.

Ajeti e nisi edicionin nga infermieria dhe tashmë që është rikuperuar plotësisht, nuk arrin të gjejë një vend në formacionin e drejtuar nga Sinisa Mihajloviq. Paraqitjet pozitive të sezonit të shkuar me Frosinonen kanë tërhequr vëmendjen e disa klubeve të Serie A, mes të cilave Crotone dhe Pescara që janë vënë në lëvizje për të forcuar sa më shumë repartin e tërhequr.