Distria Krasniqi, kampione e Evropës

Ajo më parë është shpallur kampione e botës për juniore dhe pritet shumë nga ajo, por jo në kategorinë 52 kg, pasi aty garon Majlinda Kelmendi, kampione olimpike

Xhudoja kosovare arrin edhe një sukses të jashtëzakonshëm. Distria Krasniqi është shpallur kampione e Evropës, në kategorinë deri në 23 vjet, shkruan albinfo.ch.

Krasniqi deri në finale të kategorisë deri 52 kilogram ka arritur falë katër fitoreve. Në gjysmëfinale e mposhti italianen Fabiola Pidroni, kurse lufta finale ishte kundër rumunes Larisa Florian.

Ajo më parë është shpallur kampione e botës për juniore dhe pritet shumë nga ajo, por jo në kategorinë 52 kg, pasi aty garon Majlinda Kelmendi, kampione olimpike.

Por, xhudo ka arritur edhe një sukses tjetër. Akil Gjakova ka fituar medaljen e bronztë në Kampionatin Evropian U-23.

Ai ka fituar në luftën e fundit kundër malazezit Nikola Gardaseviq me një bllokim maestral të qafës.