Herolind Nishevci, karateisti i tretë në botë

Në këtë garë Kosovën e përfaqësuan edhe Alvini, Durimi, Orgesi, Blodini, Valdrini, Elhamiu, Diellza dhe Fortesa, të cilët edhe pse treguan përgatitje të shkëlqyeshme, nuk arritën të rrëmbenin ndonjë medalje

Karateisti Herolind Nishevci ka fituar vendin e tretë në kampionatin botëror të karatesë që po mbahet në Linz të Austrisë. Ai në këtë kampionat arriti t’ia sjellë Kosovës medaljen e bronztë.

Herolindi, pasi falënderon të gjithë për mbështetjen deri në suksesin e arritur, shton: “Ndihem krenar që në ditën e anëtarësimit të plotë të Kosovës në WKF u kurorëzova me medalje botërore”, ka shkruar ai në “Facebook”, përcjell “albinfo.ch”.

Për fitoren e arritur e ka përgëzuar edhe kryetari i Federatës së Karatesë së Kosovës, Fadil Arifi.

“Herolind Nishevci, i treti në botë në karate. Urime, na bëre krenarë. Fitore e bindshme 5:0”, ka thënë Arifi.

Në këtë garë Kosovën e përfaqësuan edhe Alvini, Durimi, Orgesi, Blodini, Valdrini, Elhamiu, Diellza dhe Fortesa, të cilët edhe pse treguan përgatitje të shkëlqyeshme, nuk arritën të rrëmbenin ndonjë medalje.