Shqipëria humb nga Spanja me rezultatin 0-2

Keystone

Kombëtarja shqiptare i ka qëndruar në mënyrë stoike sulmeve të pareshtura të Spanjës deri në minutën 54. Ka qenë Costa ai që e ka thyer mburojën shqiptare dhe e ka shënuar golin e parë të avancimit të spanjollëve. Megjithëse në pjesën dërmuese të ndeshjes topin e kanë mbajtur spanjollët në zonën e rreptësisë të Shqipërisë, duhet thënë se edhe shqiptarët kanë pasur një numër të vogël shansesh.

Sidoqoftë spanjollët kanë qenë superiorë gjatë gjithë ndeshjes.

Përkundër dy golave që mori, Etrit Berisha mund të konsiderohet si lojtari me shumë merita për kombëtaren shqiptare. Edhe lojtarët tjerë të mbrojtjes kanë treguar performancë mjaft të mirë.

Pas golit të pësuar, shqiptarët vazhduan të përqendrohen në mbrojtje por kjo nuk i shpëtoi nga goli i dytë të cilin e shënoi Nolito në minutën 63, dhe 2-0 për Spanjën.