Gashi shënon nga gjuajtja e lirë

Sulmuesi nga Kosova ka shënuar golin e nderit për skuadrën e tij në minutën e 92-të të ndeshjes, pas një goditje të fortë e cila edhe u devijua për të përfunduar në portën kundërshtare

Sulmuesi i Kombëtares shqiptare, Shkëlzen Gashi ka shënuar një eurogol nga gjuajtja e lirë, në humbjen e thellë prej 5:1 të skuadrës së tij nga New York City, shkruan albinfo.ch.

Sulmuesi nga Kosova ka shënuar golin e nderit për skuadrën e tij në minutën e 92-të të ndeshjes, pas një goditje të fortë e cila edhe u devijua për të përfunduar në portën kundërshtare.

New York City dominoi në këtë ndeshje, derisa hetrik shënoi futbollisti i njohur anglez, Frank Lampard, për të cilin ishte hetriku i parë në Shtetet e Bashkuara të Amerikës. Colorado e Gashit është në vendin e dytë në Konferencën e Perëndimit me tri pikë më pak se Dallas, por Colorado ka dy ndeshje më pak të zhvilluara.

Gashi që nga transferimi nga Baseli ka shënuar tre gola, por ka bërë edhe tri asistime.