Shqipëria miqësore me Marokun

Lajmi është konfirmuar nga Federata Futbollistike e Marokut përmes një lajmërimi në faqen zyrtare në internet

(KEYSTONE/EPA/ARMANDO BABANI)

Maroku do të jetë kundërshtari i Kombëtares shqiptare në miqësoren që do të luhet në fund të muajit gusht, në kuadër të përgatitjeve në prag të ndeshjes me Maqedoninë, shkruan albinfo.ch.

Lajmi është konfirmuar nga Federata e Marokut përmes një lajmërimi në faqen zyrtare në internet. Trajneri Gianni De Biasi do të ketë lojtarët vetëm dy ditë në dispozicion para kësaj ndeshje ndaj Marokut, pasi grumbullimi parashikohet të fillojë më 29 gusht.

Maroku pritet të jetë test i mirë për De Biasin, pasi kombëtarja në fjalë renditet aktualisht në vendin e 54-tët të FIFA-s.

Në radhët e këtij ekipi ka lojtarë të njohur të skenës ndërkombëtare si Benatia, Belhanda, El Kaduri apo Tarabt.