Zvicerani krijon vranësira në laborator

Edhe pse kjo tingëllon si magji e zezë, në fakt paraqet një version të pastër të artit për “mbjelljen e reve”, e cila është një nga format për modifikimin e motit që është përdorur për disa vjet, i njohur nga përgatitjet për Lojërat Olimpike 2008 në Kinë, kur kinezët e kanë përdorur për të parandaluar shiun në ditën e ceremonisë së hapjes së lojërave.

Megjithatë, është e vështirë të thuash se sa kjo teknikë është efektive.

Prandaj, laseri që përdor fizikani zviceran Jean-Pierre Wolf është versioni plotësisht i pastër i kësaj teknike – është dritë dhe asgjë më shumë se kaq.

Ai krijon retë në vende ku nuk janë, duke nxitur kondenzimin: krijimin e natyrshëm të pikave të ujit në forma të kristalta të akullit, duke imituar proceset natyrore të krijimit të reve.

“Ne e kemi bërë atë në laborator, krijojmë retë, por jo në nivel makroskopik, për këtë arsye nuk mund ta shohim vranësirën e madhe, për shkak se laseri është mjaft i fuqishëm dhe për shkak të disa parametrave teknikë që ende nuk jemi në gjendje t’i kontrollojmë”, tha profesor Wolff për “CNN”, transmeton albinfo.ch.

Teknologjia është ende në fillimin e saj, por mund të shërbejë për modifikimin e motit në zonat ku ka kontraste të mëdha, të tilla si në Kaliforni ose në Kili, ku përmbytjet dhe thatësirat ndodhin në shkallë ekstreme. Me ndihmën e laserëve, këto kushte mund të ndikojnë që të ketë më shumë reshje në zonat e thata dhe më pak shi në vende të prirura nga përmbytjet.
Laseri mund t’u bëjë diçka më shumë reve, mund të shkaktojë rrufe. Kontrolli i shkarkimeve elektrike do të jetë në gjendje të shpëtojë mijëra rrufe dhe të ulë koston e riparimeve të dëmit.

Profesor Wolf beson se laserët mund të përdoren gjithashtu për të “rregulluar” kohën, reduktimin e uraganeve, stuhive, përmbytjeve dhe thatësirave. Por teknologjia e tij laser mund të ketë potencial edhe më të madh. Ajo mund të përdoret edhe për qëllime mjekësore.