Lajme
Spitalet e Cyrihut vendosin sërish detyrimin për mbajtje të maskës
Kjo vlen për Spitalin Universitar të Cyrihut, Spitalin Limmattal, po ashtu në Cyrih, Spitalin Kantonal të Winterthirit etj.
Spitalet kanë filluar të bëhen përsëri më të kujdesshëm, duke marrë masa parandaluese. Kështu, në Kantonsspital Winterthur (KSW), maskat janë përsëri të detyrueshme për të gjithë pacientët, vizitorët dhe punonjësit. Masa ka hyrë në fuqi të hënën, raporton “Landbote”.
Spitale të tjera të mëdha janë gjithashtu – ose ende janë – duke u mbështetur në detyrimin për vënien e maskave, transmeton albinfo.ch. Për shembull, kjo vlen edhe për Spitalin Universitar të Cyrihut dhe në Spitalin Limmattal, po ashtu në Cyrih.
Sipas informacioneve në faqet përkatëse të internetit, aktualisht nuk ka detyrim të përgjithshëm për mbajtjen e maskave në Spitalin e Qytetit të Cyrihut dhe në Spitalin e Fëmijëve.
Numri i rasteve me korona është rritur ndjeshëm në kantonin e Cyrihut: kështu, nëse në fund të majit, rreth 250 persona në ditë ishin ende pozitivë, në ditët e fundit ka pasur mbi 1000 njerëz. Kohët e fundit është rritur edhe numri i personave të shtruar në spital për shkak të Covid-19. Aktualisht janë 129 persona në një spital të Cyrihut, 5 prej të cilëve kërkojnë kujdes intensiv.
Edhe Spitali Kantonal i Graubünden-it, nga nesër, me detyrim të vënies së maskës
Menaxhmenti i spitalit kantonal të Graubünden do të rivendosë detyrimin për maskë nga 1 korriku. Arsyeja për këtë është rritja e numrit të të infektuarve me koronavirus. Përmes këtij hapi ata duan të mbrojnë të gjithë në institucionin shëndetësor.
Në spitalin kantonal të Graubündenit, maska mbrojtëse konvencionale është ende e mjaftueshme, pra nuk kërkohen maskat FFP2, përcjell albinfo.ch. Së shpejti do të ketë sërish obligim përkatës për maska edhe në shumë objekte shëndetësore në kanton.
Të ngjashme
Të tjera nga Lajme
E-Diaspora
-
Gjestila Mehmetaj, një model frymëzimi për rininë shqiptare në mërgim Gjestila Mehmetaj vazhdon të jetë një model frymëzimi për komunitetin shqiptar dhe për ata që kanë...
-
Kanë mbetur vetëm edhe dy ditë për t’u regjistruar diaspora
-
Merakli t’kerreve: U ndihmojmë mërgimtarëve veçmas në kufij
-
Projekti filmik “Adelina”, fitues i trefishtë në Spanjë
-
Platforma“Made in Kosova” promovon potencialin ekonomik, kulturor e turistik
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë