Lajme
Një vit pa viza për Maqedoninë
Një numër i vogël i qytetarëve kanë shfrytëzuar udhëtimet drejt vendeve të BE-së
![](https://www.albinfo.at/wp-content/uploads/files/MaqedoniC.jpg)
Një vit pas heqjes së vizave për Maqedoninë, një numër i vogël i qytetarëve kanë shfrytëzuar udhëtimet dhe vizitat drejt vendeve të BE-së, derisa pjesa më e madhe e tyre që udhëtuan ngelën si azilkërkues, njofton agjensia e lajmeve INA.
Qytetarët e Maqedonisë në numër të vogël kanë shfrytëzuar mundësinë për të udhtuar pa pengesa në vendet e shengenit të bardhë. Vonesat me pasaportat biometrike, gjendja e rëndë ekonomike dhe kriza e papunësisë që ka përfshirë edhe vendet e BE-së janë disa nga arsyet që i shprehin qytetarët për mosudhëtimin e tyre drejt vendeve të BE-së.
Ministria e Brendshme e Maqedonisë ka bërë të ditur se nuk ka numër të madh të qytetarëve që udhëtojnë jashtë vendit, gjegjësisht drejt vendeve anëtare të BE-së.
Sipas të dhënave të MPB-së, nga fillimi i këtij viti e deri në muajin dhjetor, për vetëm 4,1 për qind është rritur numri i daljeve nga shteti.
Kjo ministri pranon se ka ende shumë qytetarë që nuk janë pajisur me pasaporta biometrike, edhe pse numri i atyre që janë dhënë ka kaluar mbi një milion pasaporta biometrike.
Organizata për Bashkëpunim Rajonal dhe Integrime Evropiane (OBRIE) në Maqedoni vlerëson se një numër i pakët i qytetarëve në Maqedoni kanë shfrytëzuar udhëtimet drejt BE-së, sidomos për shkak se qytetarët përballen me probleme sociale dhe ekonomike, burokracia rreth dhënies së pasaportave biometrike si dhe për shkak të krizës ekonomike, që akoma është e pranishme në vendet e BE-së, ku ndjehet papunësia dhe problemet e tjera me emigrantët e huaj.
Numri më i madh i qytetarëve që kanë udhëtuar drejt vendeve të BE-së kanë ngelur atje për të përfituar statusin e azilit.
Sipas të dhënave të fundit të EUROSTAT, gjatë nëntë muajve të fundit të këtij viti 4315 qytetarë nga Maqedonia kanë kërkuar status azili në vendet e BE-së. Fluksi i madh i azilkërkuesve ka shtuar shqetësimet në radhët e vendeve anëtare të BE-së, të cilat kanë ndërmarrë masat parandaluese
Të tjera nga Lajme
E-Diaspora
-
Komuniteti Musliman Shqiptar në Zvicër uron festën e Kurban-Bajramit Urimi për festën e Kurban-Bajramit 2024...
-
Si e sheh Zvicra Kosovën në 25 vjetorin e çlirimit
-
Vendimi i gjyqit: 17 vjet burgim për bashkëshortin e Shqiponja Isufit
-
Gjenevë: Sot prezantohet filmi shqiptar në Festivalin Fifog
-
Dietikon (ZH): Zamfina Rexhaj prezanton librin e saj mbi luftën në Kosovë
Jeta në Austri
-
Kur mund të kërkoj rimbursim për shpenzimet mjekësore në Austri? Nëse vizitoni një ‘mjek me zgjedhje’ në Austri ose shkoni për disa procedura dhe ekzaminime, mund...
-
Austriakët, të shqetësuar pas rritjes së FPO ekstremiste në zgjedhjet evropiane
-
A ka Austria probleme me drogën?
-
8 gjërat që duhet të dini përpara se të filloni një punë në zyre në Austri
-
Gjithçka që duhet të dini për marrjen me qira të një makine në Vjenë