Në Düsseldorf mbahen dëgjimet për projektligjin për diasporën

Ministria e Diasporës dhe Investimeve Strategjike e Kosovës e mbështetur edhe nga deputetët e Kuvendit të Kosovës, Time Kadriaj, Fitore Pacolli, Glauk Konjufca, si dhe drejtori i zyrës ligjore së kryeministrit të Kosovës, Ramush Haradinaj, Mentor Borovci, mbajtën mbrëmë në Düsseldorf në objektin afarist të anëtarit të kryesisë së Unionit të bizneseve shqiptaro-gjermane, Bekim Bytyqi, dëgjimet publike në lidhje me projektligjin dhe draftstrategjinë për diasporën, përcjell albinfo.ch.

Në një klimë të mirë bashkëbisedimi, rreth 60 pjesëmarrës dhanë propozimet dhe mendimet e tyre në lidhje me ndryshimet dhe plotësimet që mund ti këtë ligji dhe strategjia për Diasporën.

Më herët dëgjime publike janë organizuar edhe në Zvicër, derisa pritet të vazhdohet edhe në vende të tjera ku jetojnë shtetasit e Kosovës.