Lajme
Kosovë, shqyrtohet oferta e Wesley Clarkut për naftën
Ish gjenerali Clark, si përfaqësues i kompanisë “Envidity” kishte shprehur gatishmëri për të investuar në Kosovë rreth një miliard dollarë për prodhimin e naftës sintetike
Ish-gjenerali amerikan i NATO-s, Wesley Clark disa vite më parë, si përfaqësues i kompanisë “Envidity” kishte shprehur gatishmëri për të investuar në Kosovë rreth një miliard dollarë për prodhimin e naftës sintetike. Mirëpo kjo çështje ishte zvarritur për vite të tëre nga institucionet e Kosovës, dhe tani janë duke shqyrtuar këtë projekt.
Si rëndomtë që çështjen e investimeve shkojnë zvarrë, edhe kësaj here Qeverisë së Kosovës i janë dashur tri vite për ta gjetur rrugën për trajtimin e tri kërkesave të investitorëve privatë, që duan të shfrytëzojnë rezervat e qymyrit në Kosovë, shkruan sot Koha Ditore.
Për më shumë se dy vite, tre investitorë nuk kanë marrë asnjë përgjigje nga institucionet e Kosovës, edhe pse kishin dorëzuar interesin e tyre për të investuar në projektet që për bazë kanë shfrytëzimin e qymyrit të Kosovës.
Kompania e gjeneralit Wesley Clark, “Envidety”, ka kërkuar licenca në tri lokacione në Kosovë për të prodhuar naftë përmes gazifikimit nëntokësor të qymyrit. Projekti si i tillë është një inovacion, pasi aktualisht nuk ka një projekt të tillë që është finalizuar nga kjo kompani.
Kompania tjetër, “EmberClear” kishte kërkuar licencë për ndërtimin e një termocentrali me kapacitet prej 330 megavateve në Istog. Kurse, së fundmi, kompania greke, “Titan”, ka kërkuar licencë për shfrytëzimin e qymyrit, të cilin synonte ta përpunonte për t’ia rritur kaloritë dhe i cili do të përdorej për djegie nga kompanitë e mëdha, duke e përfshirë edhe fabrikën e çimentos “Sharrcemi”, që është pronë e saj.
Muharrem Shaini është zëdhënës i Ministrisë së Financave në Qeverinë e Kosovës. Ai tha se kërkesat e këtyre investitorëve do të shqyrtohen në bazë të Ligjit për minierat dhe mineraret dhe Ligjit për partneritet publiko-privat. Sipas Shainit, tashmë në ministri ka nisur trajtimi fillestar i këtyre kërkesave.
“Javëve në vijim Komiteti i partneritetit Publiko-Privat do të angazhojë ekspertë të cilët do të jenë pjesë përbërëse e ekipit shqyrtues të projekteve”, ka thënë Shahini.
E-Diaspora
-
Xhaka e Gjimshiti, në ekipin më të mirë të Ligës së Evropës Futbollistët shqiptarë, Berat Gjimshiti e Granit Xhaka, kanë zënë vend në ekipin më të mirë të...
-
Prokuroria zvicerane kërkon 16 vjet burg për Arditin që vrau gruan e tij, Besimen
-
Me plis e me flamur kombëtar, preshevari diplomon në SHBA
-
Familjarët e Sadik Durakut, në kërkim të informacioneve kur ka kaluar gati një muaj në paraburgim në Serbi
-
Dy filma shqiptarë në Festivalin Ndërkombëtar të Filmit në Gjenevë
Jeta në Austri
-
Çfarë duhet të dini për kontratat kolektive nëse punoni në Austri? Nëse punoni në Austri – ose po kërkoni punë këtu – me siguri do të keni...
-
Çfarë ndryshon në Austri nga muaji qershor?
-
Avdijaj, më i miri i xhiros së fundit në Austri
-
Austria dhe Britania e Madhe me bashkëpunim për deportimin e emigrantëve
-
Vjenë: Droni “kap” 5 shqiptarë që po punonin në të zezë