Hammarberg: Gjermania duhet të shmang kthimin e refugjatëve të Kosovës

Thomas Hammarberg komisioner për të Drejtat e Njeriut në Këshillin e Europës për të Drejtat e Njeriut, në një letër drejtuar Ministrit Federal të Punëve të Brendshme të Gjermanisë, Thomas De Maizière, ka kërkuar që Qeveria gjermane duhet të shmang çdo kthim të mëtejshëm të detyruar të refugjatëve të Kosovës.

Ai ka thënë të mos jenë ende tër përshtatshme kushtet e kthimit dhe inetgrimit për të kthyerit, si Infrastruktura dhe burimet e disponueshme . „Shumë prej tyre, në veçanti romët, ashkalitë dhe egjiptasit me familje e fëmijë, kanë qenë të prekur rëndë, jo pak për shkak të margjinalizimit diskriminimit dhe frikës për sigurinë e tyre “, tha Thomas Hammarberg.

Komisioneri gjithashtu mbetet i shqetësuar seriozisht për kampet e kontaminuara në  Osterode dhe Leposaviq, në pjesën veriore të Mitrovicës, ku disa të kthyer nga vendet e Evropës Perëndimore, duke përfshirë edhe nga Gjermania.