Gjermani: Nga e shtuna, testimi i detyruar i të ardhurve nga zonat me rrezik

Kriteri qendror për futje në këtë listë është: në cilat vende ose rajone ka pasur më shumë se 50 njerëz të infektuar për 100,000 banorë në shtatë ditët e kaluara

Në luftën kundër përhapjes së virusit të koronës, udhëtarët nga zonat e përcaktuara ndërkombëtarisht si të rrezikshme që vijnë në Gjermani, do të detyrohen të testohen. kjo do të fillojë të realizohet të shtunën, më 8 gusht, shkruan srf.ch.

Testimi i detyruar është urdhëruar nga ministri gjerman i shëndetësisë, Jens Spahn, tranmseton albinfo.ch. Ai ka thënë se detyrimi për të testuar të kthyerit nga zonat me numër të madh të infeksioneve ka për qëllim që të jemi “në anën e sigurt”.

Instituti Robert Koch (RKI) ka bërë listën se cilat vende konsiderohen zona të rrezikut, të cilën e riaktualizon sipas zhvillimeve në botë. Nga vendet e BE-së, në këtë listë janë aktualisht: Luksemburgu dhe tre rajonet spanjolle: Aragoni, Katalonja dhe Navarre.

Kriteri qendror për futje në këtë listë është: në cilat vende ose rajone ka pasur më shumë se 50 njerëz të infektuar për 100,000 banorë në shtatë ditët e kaluara.

---