Dita e Flamurit shënohet në Kosovë për efekte zgjedhore!

Sipas gazetës prishtinase “Zëri”, “fushata e partive politike për zgjedhjet parlamentare, që do të mbahen më 12 dhjetor, ka rikthyer 28 Nëntorin – Ditën e Flamurit si festë zyrtare në Kosovë.

Urimet për këtë festë nga të gjitha partitë dhe institucionet e vendit, vizitat te familjarët e dëshmorëve të shoqëruara edhe me vendimin e kryeministrit të Kosovës në largim, Hashim Thaçi, për një ditë pushim (të hënën) për shërbyesit civilë të institucioneve publike, kanë dëshmuar se edhe kjo ditë kombëtare është vënë në shënjestër për përfitim të votave.

Pavarësisht se Dita e Flamurit konsiderohej nga qytetarët e vendit festë kombëtare, duke u krijuar një traditë për kremtimin e saj, dy vjet më parë krerët e vendit përcaktuan këtë ditë në Ligjin për Festat Zyrtare në Republikën e Kosovës te Ditët memoriale dhe jo ato zyrtare.