Kosova
Diplomatët ndërkombëtarë kërkojnë zgjedhje fer dhe pa presione politike
QUINT u bën thirrje të gjithë partitë politike dhe kandidatëve që marrin pjesë në fushatën e zgjedhjeve lokale, të angazhohen për fushatë të lirë, demokratike të qetë dhe pa ndikim
Pesë ambasadat më të fuqishme të akredituara në Prishtinë të njohura si QUINT, Ambasada e Francës, Gjermanisë, Italisë, Mbretërisë së Bashkuar dhe Shteteve të Bashkuara, kanë kërkuar nga liderët e partive politike dhe kandidatët që marrin pjesë në zgjedhjet lokale të 22 tetorit, që të zhvillojnë një garë fer, demokratike dhe pa ndikim.
Deklaratën e përbashkët shtetet e QUINT-it e kanë lëshuar sot, në ditën kur është hapur fushata për zgjedhjet lokale të 22 tetorit.
“Qytetarët meritojnë një proces zgjedhor të hapur dhe transparent ku të gjithë kandidatët kanë të drejtën që të dëgjohen nga votuesit, ku pjesëtarët e mediumeve kanë të drejtën që, pa kërcënim ose dhunë, të shpërndajnë informata për zgjedhjet, dhe ku të gjithë votuesit kanë të drejtën që të marrin vetë vendimet e tyre pa presion”, thuhet në deklaratën e vendeve të QUINT-it.
Sipas QUINT-it, liria për përkatësi politike dhe liria e fjalës janë të drejta të garantuara në një shoqëri demokratike.
QUINT mbështetë fuqimisht dhe dënon çdokënd që tenton të ndikojë procesin zgjedhor, apo që përmes frikësimit, kërcënimit dhe presionit tenton të ndikojë në zgjedhjet e bëra nga votuesit.
“Ne presim nga udhëheqësit e Kosovës dhe nga ata që kanë ambicie për udhëheqësi që të flasin fuqimisht kundër këtij lloji të sjelljes, dhe ne përkrahim përpjekjet e policisë vendore dhe prokurorëve që të hetojnë çdo raport të frikësimit, kërcënimeve, dhe detyrimit, dhe që të ndjekin penalisht këto nëse ka fakte”.
“Ambasadat presin nga kandidatët që t’u përmbahen këtyre standardeve gjatë gjithë fushatës dhe i nxisin votuesit që të zgjedhin mençurisht ata kandidatë të cilët më së miri do t’i përfaqësojnë interesat e qytetarëve dhe të shtetit gjersa shteti synon vazhdimin e rrugëtimit drejtë integrimeve Euro-Atlantike”, thuhet në fund të komunikatës së QUINT-it.
E-Diaspora
-
Robin Krasniqi fiton me pikë ndaj portugezit Jorge Silva Boksieri kosovar, Robin (Haxhi) Krasniqi, ka mposhtur portugezin Jorge Silva të shtunën, në meçin e zhvilluar...
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?