CVP/PDC, e vendosur për ashpërsimin e ligjit të azilit

Delegatët me shumicë të qartë, 146 pro dhe 28 kundër, janë përcaktuar për ashpërsimin e ligjit të azilit, për të cilin do të votohet më 9 qershor

Delegatët e CVP/PDC-së kanë mbajtur sot në Heiden të Appenzel Auserrhoden kuvendin e tyre delegues. Temë e këtij takimi të 177 delegatëve ka qenë marrja e qëndrimit të kësaj partie në lidhje me katër iniciativat në nivel federal për të cilat do të votohet këtë vit.

Delegatët me shumicë të qartë, 146 pro dhe 28 kundër, janë përcaktuar për ashpërsimin e ligjit të azilit, për të cilin do të votohet më 9 qershor. Kryetarja e grave e CVP-së Babette Sigg nuk ka pasur sukses të bindë bashkëpartiakët që të votojnë kundër ashpërsimit.

Iniciativa e SVP-UDC-së për zgjedhjen e qeverisë drejtpërdrejt nga populli është hedhur poshtë edhe më bindshëm: 172 delegatë janë shprehur kundër.

Po ashtu me një jo të vendosur kanë votuar delegatët edhe për iniciativën trashëgimisë si dhe për iniciativën 1:12 të JUSO-s. votat e tyre kundër të parës janë 143 me 27 dhe për të dytën 160 me 14.