Katër vjet nga vdekja e Astrit Deharit

Ilustrim

Katër vjet më parë në Qendrën e Paraburgimit në Prizren, saktësisht më 5 nëntor 2016, në rrethana ende të pasqaruara vdiq aktivisti i Lëvizjes Vetëvendosje, Astrit Dehari, transmeton albinfo.ch.

E sot në katërvjetorin e vdekjes së tij, Vetëvendosje duke filluar në ora 09:30 do të bëjë homazhe te varri i Astrit Deharit në Zllatar.

Ndërkohë që në ora 12:00 Vetëvendosje do të mbajë konferencë për media për rastin Dehari.

E në ora 20:00 të gjithë aktivistët, anëtarët e simpatizantët e Lëvizjes Vetëvendosje, por edhe qytetarët janë ftuar të ndezin qirinj në ballkonet e shtëpive e banesave në përkujtim të jetës dhe veprës së aktivistit Astrit Dehari.