Gati edicioni i dytë i Festivalit Ndërkombëtar të Teatrove “PITF 2018”

“Nëse s’ mund ta shohim botën – bota le të flasë për ne”, ky është mesazhi që Festivali Ndërkombëtar i Teatrove “Prishtina International Theater Festival”, që organizohet nga Teatri AAB “Faruk Begolli”, synon të përcjellë përmes edicionit të tij të dytë që vjen nga datat 29 nëntor – 06 dhjetor 2018, shkruan Albinfo.ch

Në këtë edicion në programin garues do të jepen 7 shfaqje teatrore që vijnë nga Italia, Bullgaria, Kroacia, Maqedonia, Shqipëria e Kosova.

Në natën e fundit të festivalit, më 06 dhjetor 2018, do të jepet premierë shfaqja “Bretkosa”, një prodhim i Teatrit AAB “Faruk Begolli”, në cilësinë e shfaqjes mysafire, jashtë programit garues. Festivali “Prishtina International Theater Festival” është një mundësi e mirë për të parë dhe shijuar gjëra të bukura që ndodhin edhe në Kosovë.