Kinema

Filmi “Ninullë” i Adrian Asllanit shfaqet në Festivalin e Filmit, në Zug

Me votën tuaj, ky film mund të fitojë çmimin e publikut, në këtë festival

E hënë, 6 Nëntor 2023 - 22:35 albinfo.ch
Filmi “Ninullë” i regjisorit të ri shqiptar nga Zvicra, Adrian Asllani do të shfaqet për herë të parë në Zvicër në kuadër të festivalit të filmit “Zuger Filmtage”.
Ky film do të shfaqet si film hapës i këtij festivali para filmave në vijim:
E shtunë, 11 nëntor 2023: “Touch of Evil” nga Orson Welles, në ora 14:45 në Kino Gotthard (Gotthardstrasse 18, Zug); “Psycho” nga Alfred Hitchcock, në ora 22:30 në Kino Gotthard (Gotthardstrasse 18, Zug); “Blue Velvet” nga David Lynch, në ora 23:15 në Kino Seehof 2 (Schmidgasse 8, Zug).
E martë, 14 nëntor 2023: Awards Night Zuger Filmtage”, nga ora 18:30 në Kino Seehof (Schmidgasse 8, Zug). Me votën tuaj, ky film mund të fitojë çmimin e publikut, në këtë festival!
Subjekti i filmit, me pak fjalë është ky: Një krijues i pasionuar kukullash jeton vetëm me djalin e tij të sëmurë në një shtëpi në një vend të izoluar. Nga frika e mbretit në të zeza, djali mezi fle dhe ka frikë se së shpejti ai do të vijë për ta marrë. Babai është i sigurt se ato janë ëndrra me ethe derisa një ditë, dyert e mbyllura papritur hapen vetë…

Adrian Asllani ka lindur në vitin 1998 në Schaffhausen të Zvicrës si djali i një çifti emigrantësh shqiptarë nga Kosova. Në vitin 2017 ai ka ndjekur Seminarin “Robert McKee’s Story Seminary”, në Nju Jork, transmeton albinfo.ch. Në vitin 2021 Adriani ka shkruar dhe drejtuar videoklipin “Sunshine” për bendin e njohur në Zvicër, “Pablo Infernal”.

Ai ka punuar në disa projekte me fotografin zviceran Alberto Venzago, grupin rok zviceran Pablo Infernal dhe artistë të tjerë.

Projekti i tij më i ri “Ninullë” është filmi i parë me metrazh të shkurtër horror/thriller kosovar, të cilin ai e ka shkruar, prodhuar dhe drejtuar. Me këtë film Adriani ka marrë pjesë edhe në festivalin e filmit “Prifilm Fest”, në Prishtinë.

 

 Të ngjashme

DokuFest dhe Kino Kosova lansojnë nismën “Re-Connect” për të rinjtë nga Kosova dhe diaspora

 Të tjera nga Kinema

Sabahat Meta për albinfo.ch: Për 7 vite, Kino Kosova është shndërruar në një urë kulturore mes Kosovës dhe Zvicrës

 E-Diaspora

 Jeta në Austri