Zviceranët konsumojnë më pak në restorante

Mesatarisht një zviceran gjatë vitit 2012 ka shpenzuar 2988 franga për të ngrënë dhe për të pirë jashtë shtëpisë, që është për 2% më pak se në vitin 2011

Zviceranet gatë vitt 2012 kanë shpenzuar më pak të holla për ushqim në restorant se sa një vit më parë. Mirëpo, kjo rënie që ka shënuar konsumi në restorante ka qenë vetëm për 2 për qind në krahasim me vitin 2011. Ndërkaq në vitin 2011 kjo vlerë kishte qenë për 7 për qind më e vogël se në vitin 2010. Kështu, ngadalësimi i trendit të rënies, i bën gastronomët zviceranë “optimistë të kujdesshëm”.

Sipas Gastrosuisse, organizatë që përfaqëson gastronominë zvicerane, rënia e konsumimit në restorante që është shënuar viteve të fundit ka të bëjë me gjendjen e pavolitshme ekonomike dhe financiare. Kjo situatë i “i mban larg” restoranteve jo vetëm mysafirët e huaj por edh eata zviceranë. Në tremujorin e fundit të vitit 2012 gjendja në këtë drejtim pati pësuar një zbutje të lehtë, kanë deklaruar në gastrosuisse.

Mesatarisht një zviceran gjatë vitit 2012 ka shpenzuar 2988 franga për të ngrënë dhe për të pirë jashtë shtëpisë. Më shumë se gjysma e këaj shume ka shkuar në shujta të drekës. Pjesa më e madhe ka të bëjë me njerëz të punësuar të cilët ushqehen në restorante ose në kantina.