Ekonomi
Bitcoin bie nën 6 mijë dollarë
Të mërkurën e kësaj jave ai ra me 10.6 për qind, ndërsa të enjten rënia vazhdoi me 4.6 për qind
Bitcoin shënoi rënien e tij më të lartë që prej muajit mars, duke shkuar kështu poshtë nivelit prej 6,000 dollarësh amerikanë, në 5,324 dollarë amerikanë.
Të mërkurën e kësaj jave ai ra me 10.6 për qind, ndërsa të enjten rënia vazhdoi me 4.6 për qind.
Ndërsa Ethereum, monedha e dytë dixhitale më e madhe sipas kapitalizimit të tregut, ra me 14 për qind brenda 24 orëve të fundit, sipas CoinMarketCap, transmeton ‘monitor’.
Sipas ekspertëve një rënie e tillë pritej, por nivelet drastike më të cilat ai ra krijuan një pasiguri të madhe në të gjithë tregun, përcjell albinfo.ch.
2017 pa një kërkesë shumë të lartë për Bitcoin, duke shënuar njëkohësisht edhe vlerësimin e saj më të lartë nga 1,000 dollarë amerikanë në 20,000 dollarë amerikanë në një vit.
Megjithatë, ashtu si shumica e trendeve, kjo rritje duket se ka mbetur thjesht një kujtim, sepse gjatë këtij viti kriptomonedha ra me më shumë se 60 për qind të vlerës së saj. Deputetët i kanë kërkuar qeverisë që të veprojë sa më parë dhe të vendosë rregullime në treg kundër ndryshimeve të paqëndrueshme të çmimeve, të ndalojë aktivitetin anonim dhe mangësitë në drejtim të sigurisë.
Në shkurt të këtij viti, Komiteti i Thesarit njoftoi se do të niste një hetim mbi rreziqet e kriptomonedhave në drejtim të investitorëve dhe ekonomisë së Britanisë së Madhe, në një përpjekje për “të shqyrtuar përgjigjen rregullatore” nga autoritetet.
Qasja aktuale e qeverisë ndaj rregulloreve është kritikuar si tepër ambigue dhe e paqëndrueshme në një periudhë të gjatë kohore, në një raport të publikuar para dy ditësh. Gjithashtu në të argumentohej se rregulloret do të çonin në mbrojtje më të mirë të konsumatorëve, do të mundësonin rritje të qëndrueshme për tregun në tërësi dhe do të ndihmonin në reduktimin e rreziqeve që lidhen me hacker-imin dhe vjedhjen e llogarive të ndryshme.
Nëse zbatohen, Britania mund të shndërrohet në një “qendër globale të aseteve të kriptomonedhave”, thuhej më tej në raport. Bicoini dhe kriptomonedhat e tjera që ekzistojnë, bëjnë pjesë në një industri të parregulluar, e cila i lë investitorët përballë rreziqeve të shumta, u shpreh Nicky Morgan, kryetar i Komitetit të Thesarit.
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Austri
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë? Jo vetëm ata që kanë lindur me pasaportë austriake duhet të kryejnë shërbimin ushtarak. Nëse jeni...
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj