Jeta me 400 zvarranikë përreth

Për shumë njerëz të ndash dhomën e ndenjës me vetëm një aligator 2 metra të gjatë është ankth i natës, por Filip Gille i ka dy. Reptilët, të cilët i quan Ali dhe Gator, bredhin nëpër shtëpinë e francezit 67-vjecar bashkë me qindra krijesa të tjera, përfshirë disa prej më të rrezikshmëve në botë, si tarentulat apo gjarpërinjtë me zile.

Përgjatë dy dekadave herpetologu, ndryshe fjalë teknike për entuziastët e reptilëve, ka krijuar koleksion prej 400 specieve në shtëpinë e tij në brigjet e lumit Loire. Një kobra jeton në tavolinën e kafesë, një breshkë 50-kilogramëshe shëtitet nëpër kopsht dhe natën Aliu, aligatori dominant i çiftit, fle me Gilen, derisa Gatori ruan derën natën. Gile tha se aligatorët u shpëtuan nga një fermë e lëkurës, por shumica e kafshëve të tjera ishin të dhuruara ose të braktisura.

Pasi që e kaloi fëmijërinë në Republikën Qendrore Afrikane, Gile u bë gjuetar dhe shumë kafka të kafshëve qëndronin në muret e shtëpisë së tij. Por përjetoi çast dobësie dhe vendosi të bëhej mbrojtës i natyrës dhe të edukojë publikun që kafshët nuk janë të frikshme nëse i kuptojmë mirë. Përndryshe, 20 vullnetarë punojnë në asociacionin e tij Inf-Faune, e që organizon udhëtime nëpër Francë për të ngritur vetëdijen për mbrojtjen e natyrës.