SHBA kërkon rezultate konkrete nga bisedimet

Zëvendëssekretari amerikan i Shtetit, Uilliam Bërns ka kërkuar nga Qeveria e Serbisë rezultate të dukshme dhe të qëndrueshme në dialog me Prishtinën. Qeveria e Shteteve të Bashkuara të Amerikës ka kërkuar nga qeveria e re në Beograd rezultate konkrete në dialogun me Prishtinën. Këtë kërkesë në adresë të zyrtarëve në Beograd ia ka bërë zëvendëssekretari […]

Zëvendëssekretari amerikan i Shtetit, Uilliam Bërns ka kërkuar nga Qeveria e Serbisë rezultate të dukshme dhe të qëndrueshme në dialog me Prishtinën.

Qeveria e Shteteve të Bashkuara të Amerikës ka kërkuar nga qeveria e re në Beograd rezultate konkrete në dialogun me Prishtinën. Këtë kërkesë në adresë të zyrtarëve në Beograd ia ka bërë zëvendëssekretari amerikan i Shtetit, Uilliam Bërns, gjatë një bisede telefonike me kryeministrit Ivica Daçiq.

“SHBA-ja pret përparimin e Serbisë në rrugën e integrimeve evropiane, vazhdimin e reformave dhe rezultate të dukshme dhe të qëndrueshme në dialog me Prishtinën”, i ka thënë Bërns kryeministrit serb në bisedën telefonike, të cilën e ka njoftuar kabineti i Qeverisë serbe.

Daçiq, siç raporton REL, ka thënë se ndërtimi i bashkëpunimit me Uashingtonin është prioritet i Qeverisë së Serbisë. “Serbia do që të jetë faktor paqeje dhe stabiliteti në rajon”, citohet t’i ketë thënë Ivica Daçiq zëvendëssekretarit amerikan të Shtetit, Uilliam Bërns.

Madje Daçiq ka kërkuar, sipas të njëjtit njoftim, bashkëpunim më të fortë me SHBA-në në fushën e ekonomisë, të mbrojtjes, në luftën kundër krimit të organizuar, korrupsionit dhe terrorizmit.