Mërgimtarët të pakënaqur me shërbimet administrative

Disa mërgimtarë iu ankuan ministrit Makolli se gjithë pushimi iu shkoj duke nxjerrë një certifikatë ose duke pritur një vulë apostile

Disa mërgimtarë iu ankuan ministrit kosovar të Diasporës, Ibrahim Makolli se po ballafaqohen me një burokratike të papërballueshme gjatë shërbimeve administrative në Kosovë. Ata thanë se është jo humanë që gjithë pushimi të shkoj duke nxjerrë një certifikatë ose duke pritur një vulë apostile.

Këto vërejte ata ia adresuan Makollit në kohën kur ky i fundit vizitoi Agjencinë për Regjistrim Civil, për të parë zhvillimin e punëve në këtë agjenci. “Ky është maltretim që nuk mund të përshkruhet. Kam pritur katërt muaj për një vulë apstile”, i tha Makollit njëri nga bashkatdhetarët që ishte duke pritur në administratë.

Ndërsa ministri i Diasporës, Ibrahim Makolli iu premtoi bashkatdhetarëve shërbime më cilësore për ta, ndërsa i premtoi ndihmën shtetërore edhe Agjencisë për Regjistrim Civil.

“Institucionet po mundohen që krijojnë lehtësira në mënyrë që mërgimtarët tanë të pajisen sa më shpejt me dokumentet e nevojshme”, tha Makolli.

Edhe përfaqësuesit e Departamentit të Regjistrimeve dhe Gjendjes Civile thanë se do të bëjnë përpjeke për t’i eliminuar të gjitha parregullsitë që mund të janë shfaqur gjatë punës në këtë institucion. Blerim Camaj, drejtor i këtij departamenti tha janë marrë masa shtesë për nëpunësit civilë, të cilët në këtë sezon janë duke punuar me dy orë shtesë.