Bullgari: 6 të vrarë në një sulm antiizraelit

Të paktën gjashtë persona u vranë të mërkurën dhe 32 të tjerë u plagosën nga një shpërthim bombe në një autobus që mbante turistë izraelitë në aeroportin bullgar në Burgas. Izraeli akuzon Iranin për këtë vepër.

Viktimat, të sapozbritura nga një avion çarter pak para orës 16:00, ishin duke u transferuar në aeroport, tha Ministria bullgare e Punëve të Brendshme. Numri i pasagjerëve në bord të avionit ishte 151 veta, duke përfshirë një amerikan dhe një Slloven.

Ministri izraelit i Punëve të Jashtme, Avigdor Lieberman, ka urdhëruar ngritjen e një krize si dhe ka dërguar ekipet për ndihmë në Bullgari me aeroplan, ka theksuar radioja izraelite publike.

Atentati i parë antiizraelit

Ky sulm antiizraelit është i pari që ka ndodhur në Bullgari. Kreu i sigurisë në Ministrinë e Transportit izraelite, megjithatë, kishte shpallur në janar se një përpjekje për atentat me bombë kundër turistëve izraelitë në Bullgari kanë qenë ndërprerë më 3 janar.

Një mjet shpërthyes ishte qenë zbuluar në një autobus që transportonte turistë izraelitë nga kufiri në Turqi gjerë në një vendpushim për skijim në Bullgari. Atë kohë, autoritetet bullgare patën mohuar fuqimisht këtë element.

Vitet e fundit brigjet e detit të Bullgarisë janë bërë atraktive për izraelitët, dy vende që kanë marrëdhënie të shkëlqyera. Gjatë Luftës së Dytë Botërore Bullgaria ishte aleati i vetëm i Gjermanisë, i cili kishte shpëtuar hebrenjtë e saj nga kampet naziste, të cilat rikujtohen rregullisht gjatë kontakteve bilaterale me Izraelin.