“Adoleshenca tani zgjat deri në 24 vjet”

Adoleshenca tani zgjat nga mosha dhjetë deri në 24 vjeç, edhe pse deri tani mendohej se përfundonte me 19 vjet, kanë thënë shkencëtarët.

Vazhdimi i shkollimit për më gjatë si dhe shtyrja e martesave, kanë shtyrë prapa edhe perceptimet se kur nis mosha madhore.

Ndryshimi i definicionit është vital për të siguruar edhe nëse ligjet janë në rregull, kanë shkruar shkencëtarët në një opinion për “Lancet Child & Adolescent Health”, raporton BBC.

Ata janë bazuar edhe në ndryshimet që pësojnë trupat e njerëzve pas moshës 20-vjeçare. Truri vazhdon të forcohet, duke u bërë më i shpejtë dhe më efikas. Dhëmbët e shumë njerëzve nuk kompletohen deri në 25-vjet, transmeton Albinfo.ch.

Autorja udhëheqëse, prof. Susan Sawyer, ka shkruar se “Pavarësisht se shumica e privilegjeve ligjore nisin në moshën 18-vjeçare, përshtatja me rolet dhe përgjegjësitë e të rriturve në përgjithësi ndodhin më vonë”.

Ajo ka shtuar se martesat, bërja prindër dhe pavarësia ekonomike nënkupton më saktësisht se deri kur duhet të zgjatet adoleshenca.