Thyhet çdo rekord, një Bitcoin vlen 7300 dollarë

Deri vetëm një ditë më parë, një Bitcoin kishte vlerë prej rreth 6600 dollarë, tashmë një Bitcoin ka vlerë prej 7300 dollarë, duke u rritur për 700 dollarë

Kriptovalutës Bitcoin çdo ditë po i shtohet vlera. Brenda 24 orëve të fundit kjo kriptovalutë ka kaluar vlerën prej 7000 dollarëve për herë të parë në histori të saj.

Vetëm gjatë këtij viti Bitcoinit i është shtatëfishuar vlera, ndërsa vlera totale e kësaj kriptovalute ka kaluar shifrën prej 100 miliardë dollarëve.

Deri vetëm një ditë më parë, një Bitcoin kishte vlerë prej rreth 6600 dollarë, tashmë një Bitcoin ka vlerë prej 7300 dollarë, duke u rritur për 700 dollarë, apo duke kaluar të gjitha rekordet më të tani, shkruan albinfo.ch.

Tashmë Bitcion gjithmonë e më shumë po bëhet i njohur, madje në shumë vende mund ta paguash edhe taksa me to, kurse edhe ‘Amazon’ po mendon ta pranojë për të paguar çmime.

Pavarësisht rritjeve të vazhdueshme të vlerës së Bitcoinit, shumë skeptikë mbeten të bindur se Bitcoini do të dështojë.