Shembulli që duhet ndjekur

Bajram Morina kishte probleme shëndetësore, por sot ka përfunduar studimet bachelor dhe ka aplikuar për Master

Sot në Kosovë është shënuar “Dita Ndërkombëtare e Shëndetit Mental”. Pjesë e këtij organizimi që u mbajt në Prishtinë ishte edhe Bajram Morina, i cili kishte probleme shëndetësore, por sot ka përfunduar studimet bachelor dhe ka aplikuar për Master.

Sipas RTK-së, ai nisi trajtimin në Klubin “Dëshira” në Prishtinë e më pas ai filloi studimet në Fakultetin e Arteve. Sot, në ditën ndërkombëtare të Shëndetit Mental, rastisi që ai të futet në provim pranues për nivelin Master.

“Ja kom nisë me vizatu me laps, tani me ngjyra të vajit kom nisë me ngjyros …”, ka thënë Morina.

“Në këtë ditë kemi dalë me një propozim më të veçantë për arsye se e kemi projekt të marrë nga programi IFOI i financuar prej USAID-t dhe i implementuar nga ATRC. Ne këtë ditë duam të shënojmë pak më ndryshe se herëve të tjera, arsyeja është se këtë ditë do ta publikojmë manualin e trajnimit për persona me dëmtime intelektuale për punësim dhe vetëpunësim”, ka thënë  Nysret Shillova – Drejtues i qendrës ditore “Dëshira”.

Në ditën ndërkombëtare të shëndetit mental përfaqësues të institucioneve thonë se të gjithë së bashku mund të bëjnë më të mirën e mundshme dhe për këtë janë objektivat e strategjisë nacionale.

https://www.facebook.com/rtklivecom/videos/10155471382233859/