Policia e Shqipërisë i dorëzon Sadri Ramabajën Policisë së Kosovës

Sipas indeksonline Ramabaja është marrë në dorëzim nga Policia e Kosovës sonte rreth orës 20 në pikëkalimin kufitar në Vërmicë, prej nga është dërguar në mbajtje

Profesori universitar, ish i burgosuri politik dhe aktivisti i lëvizjes Vetëvendosje i është dorëzuar sonte rreth orës 20 Policisë së Kosovës nga Policia e Shqipërisë. Siç njoftojnë mediat nga Tirana, ai është arrestuar mbrëmë në Durrës nga autoritetet e Shqipërisë.

Ndërkaq, siç njofton indeksonline duke iu referuar burimeve të veta, Ramabaja është marrë në dorëzim nga Policia e Kosovës sonte në pikëkalimin kufitar në Vërmicë, prej nga është dërguar në mbajtje.

Sadri Ramabaja, doli para disa ditësh para gjykatës pasi ndaj tij është ngritur dyshimi për terrorizëm që lidhet me vrasje të njerëzve të lartë të institucioneve kosovare. Atë e kanë vënë në lidhje me organizatën “Syri i Atdheut”, një anëtar i së cilës  ka bërë atentat ndaj ish funksionarit komunist, Azem Vllasi.

Ramabaja prej rreth 3 dekadash ka jetuar në Zvicër ku ka qenë i njohur për aktivitetin e tij në organizimet e këtushme politike të shqiptarëve.