Qeni që shpëtoi dhjetëra njerëz

Qeni shpëtues, Frida, është bërë burim frymëzimi, pasi po ndihmon ekipet e kërkim-shpëtimit që të gjejnë të zhdukurit nga tërmeti shkatërrues i 19 shtatorit në Meksikë.

I njohur për veshjet dhe këpucët e bëra me porosi, labradori i verdhë 7-vjeçar është bërë yll i mediave sociale.

Në ‘karrierën’ e tij, Frida ka zbuluar 12 njerëz të gjallë nën rrënoja dhe më shumë se 40 të vdekur, më shumë se çdo qen tjetër shpëtues meksikan.

Frida është angazhuar edhe në fatkeqësi të tjera, si në tërmetin e Ekuadorit vitin e shkuar, në një rrëshqitje të dheut në Guatemalë në vitin 2015, si dhe në një shpërthim gazi në Mexico City në vitin 2013.

Numri i të shpëtuarve nga ky qen megjithatë ende nuk dihet, ka thënë Armando Segura. Tërmeti me magnitudë 7.1 të Rihterit ka vrarë rreth 300 njerëz, ndërkaq ekipet e kërkim-shpëtimit ende janë duke gërmuar në 52 ndërtesat që u shembën në Mexico City.