Lajme
Arigona kthehet në Austri
Drama ka marrë fund ditën kur autoritetet e Vöcklabruck-ut i kanë miratuar vizën Arigonës, nënës dhe vëllait e motrës
Arigona Zogaj, pas shumë peripecishë, më në fund lejohet të kthehet në Austri. E gjithë drama ka marrë një fund, ditën kur autoritetet e qarkut Vöcklabruck i kanë miratuar vizën e hyrjes në këtë vend nënës, Nurijes, Arigonës 18 vjeçe, dhe një vëllai e një motre më të vogël të saj.
Nëna mund të vazhdojë punën, fillimisht për gjashtë muaj, në vendin e vjetër të punës, një ndërmarrje ushqimore, ndërsa tre fëmijët kanë marrë viza shkollimi. Familja Zogaj pritet të udhëtojë këto ditë në drejtim të Austrisë.
Gjatë tri viteve të fundit, Arigona Zogaj ka qenë protagoniste e përhershme në mediet austriake dhe të tjera, gjermanofone. Në shtator të vitit 2007 ajo i ishte shmangur një aksioni të policisë që kishte dëbuar në Kosovë anëtarët tjerë të familjes së saj. Pastaj, nga ilegaliteti, Arigona kishte komunikuar me opinionin përmes videove, ku kërcënonte se do të vetëvritej po qe se do ta detyronin të riatdhesohej në vendlindje.
Një rezistencë e gjerë në mbrojtje të saj qe ngritur në gjithë Austrinë përgjatë këtyre viteve. Emra eminentë të politikës dhe të kulturës ishin vënë në mbrojtje të Arigonës. Madje edhe Parlamenti Federal kishte mbajtur seanca të veçanta për „Rastin Zogaj”.
Megjithë këto dhe përkundër sëmundjes së nënës, Zogajt ishin kthyer në Kosovë. Me vete kishin marrë premtimin se do tu lejohej kthimi në baza humanitare. Premtim që këto ditë, përfundimisht po realizohet.
Të tjera nga Lajme
E-Diaspora
-
Komuniteti Musliman Shqiptar në Zvicër uron festën e Kurban-Bajramit Urimi për festën e Kurban-Bajramit 2024...
-
Si e sheh Zvicra Kosovën në 25 vjetorin e çlirimit
-
Vendimi i gjyqit: 17 vjet burgim për bashkëshortin e Shqiponja Isufit
-
Gjenevë: Sot prezantohet filmi shqiptar në Festivalin Fifog
-
Dietikon (ZH): Zamfina Rexhaj prezanton librin e saj mbi luftën në Kosovë
Jeta në Austri
-
Kur mund të kërkoj rimbursim për shpenzimet mjekësore në Austri? Nëse vizitoni një ‘mjek me zgjedhje’ në Austri ose shkoni për disa procedura dhe ekzaminime, mund...
-
Austriakët, të shqetësuar pas rritjes së FPO ekstremiste në zgjedhjet evropiane
-
A ka Austria probleme me drogën?
-
8 gjërat që duhet të dini përpara se të filloni një punë në zyre në Austri
-
Gjithçka që duhet të dini për marrjen me qira të një makine në Vjenë