Tramezzani lë Shqipërinë për Luganon e Zvicrës

Tashmë është konfirmuar edhe zyrtarisht se italiani do të drejtojë skuadrën e Lugonos në Zvicër dhe pritet të nënshkruajë kontratë për dy vjet e gjysmë

Paolo Tramezzani, i cili ishte ndihmëstrajner i Shqipërisë dhe drejtor teknik i grupmposhave në Kombëtaren shqiptare, ka vendosur që karrierën ta vazhdojë në Zvicër, shkruan albinfo.ch.

Tashmë është konfirmuar edhe zyrtarisht se italiani do të drejtojë skuadrën e Lugonos në Zvicër dhe pritet të nënshkruajë kontratë për dy vjet e gjysmë.

Ditë më parë Lugano shkarkoi trajnerin dhe tash e tutje skuadrën zvicerane do ta drejtojë Tramezzani. Këtë të fundit e kanë falënderuar edhe tifozat “Kuq e Zi”.

Edhe vetë Tramezzani ka thënë se puna në Kombëtaren shqiptare gjithmonë do të mbetet në kujtimet e tij dhe asnjëherë nuk do të harrojë këtë periudhë. Ai ka falënderuar edhe bashkëpunëtorët.