Prishtinë: Dy të plagosur, tetë të arrestuar

Një ngjarje e rëndë ka ndodhur në orët e para të mëngjesit të sotëm në zonën e Veternikut, në Prishtinë.

Policia e Kosovës ka njoftuar se rasti është raportuar rreth orës 04:39, prapa një lokali në Prishtinë teksa bëhet e ditur se pas një përleshjeje mes disa personave, njëri prej të dyshuarve dyshohet se ka shtënë me armë zjarri dhe ka plagosur një person, ndërsa një tjetër dyshohet se ka përdorur thikë, duke i shkaktuar lëndime trupore një personi tjetër.

Dy personat e lënduar kanë marrë ndihmë mjekësore ndodhen nën trajtim, transmeton albinfo.ch.

Gjatë veprimeve në vendin e ngjarjes dhe te personat e dyshuar, policia ka gjetur dhe konfiskuar një pistoletë, tri gëzhoja, dy fishekë, dy predha, një thikë, një çelës metalik dhe një veturë dhe pas intervistimit me vendim të prokurorit, tetë persona të dyshuar janë arrestuar dhe janë dërguar në mbajtje.