Zyrtare: Mustafi i bashkohet Xhakës

Futbollisti shqiptar, Shkodran Mustafi, edhe zyrtarisht ka kaluar në Arsenal, ku do të gjejë futbollistin tjetër shqiptar, Granit Xhakën

Shkodran Mustafi edhe zyrtarisht është futbollisti më i ri i Arsenalit, duke iu bashkuar Granit Xhakës. Marrëveshja flitet së është arritur për shumën e 35 milionë funteve, shkruan albinfo.ch.

“Më në fund erdhi koha që ta bëjmë zyrtare transferimin tim te Arsenali. Kam ardhur të luaj në një klub të madh me fansa fantastikë të Ligës Premier”, ka shkuar Mustafi në “Facebook”.

Mustafi ka kaluar nga Valencia te Arsenali, ndërsa ka luajtur për Evertonin dhe Sampdorian. Ai gjithashtu është pjesë e Përfaqësueses gjermane, ku më 2014 fitoi Kupën e Botës.

Ndërkohë, për futbollistin shqiptar ka folur edhe trajneri i Arsenalit, Arsene Wenger. “Ai është në moshën e duhur. Është lojtar me eksperiencë. Ai është lojtar shumë i fokusuar dhe di të luajë me topin. Kemi transferuar një lojtar fantastik”, ka thënë Wenger.